मी क्रदळीच्या पानावर माझा मेंदू
तुम्हाला वाढला
तर तुमही म्हणालात
हे तर श्राद्धाचं पिंड आहे
चायनीझ बाउल मधे माझी कलेजी वाढली
तर तुम्ही म्हणाला
स्टेरॊइड्झच्या वापरामुळे तिची चव
पार बिघडलीय
आइसक्रीम बाउलमधे माझ्या गोट्या
तुमच्या समोर धरल्या
तर तुमही म्हणालात
त्यांची वॅर अॅन्ड टॅर जरा जास्तीच आहे
पाव भाजीच्या प्लेटमधे माझे
कुल्ले तुमच्या समोर धरले
तर तुम्ही म्हणालात
आम्हाला बटर पावचीच सवय आहे
रसगुल्ल्याच्या बाउलमधे
माझ्या बुबूळांच्या गोट्या
तुमच्या समोर धरल्या
तर तुम्ही म्हणालात
तुमची नजरच वाईट
त्यात आम्ही काय करणार
शेवटी कवितेचा कोरा कागद
बील म्हणून तुम्हाला दाखवला
तर तुमही म्हणाला
वाह वाह क्या बात है
आणि पाच रुपयाची टिप
हातावर टेकवली
६ जाने १०:४५ रात्री
No comments:
Post a Comment