निळी गीटारवाजवणारा माणूस
(वॊलेस स्टिव्हनससाठी)
सचिन केतकर
एके रात्री
एलसीडी आकाशात
हॅंग झालेल्या
वितळणा-या चंद्र्कोरी खाली
पानांच्या जागी डोळे असलेल्या झाडाखाली
ऊभा होतो
हातात
माझ्या आत्म्याची
नीळी गिटार
माझी बोटं असतात
गीटारच्या तारा
माझ्या पुढे एक
न वाहणारी नदी
त्यात लॊक झालेलं
एक चंद्रबिंब
ह्या चंद्रालाच एकवतो
माझी घारी ब्लॊन्ड गाणी
आणि काळाचं एक काळं कुत्र
इतकेच माझे श्रोते
मी विझलेल्या अमावास्येचा प्राणी
सगळ्या बुबूळांवर साठलेल्या धुळीच्या थराना
धुणारं पाणी
म्हणजेच
माझ्या नीळ्या गीटारवर
गायलेली गाणी
No comments:
Post a Comment