टॉम ऍन्ड जेरी शो :सचिन केतकर

इतका वेळ्च कुठ्य आपल्या कडे
जेव्हा मी इक्डे तिकडे पळत असतो
तेव्हा तु तुझ्या पंज्यात
पकडतेस माझी शेपूट
जेव्हा तुझ्यावर मी ऊडी मारतो
तेव्हा तु गायब होतेस
तुझ्या बिळात


हे असच चालू राहणार का
आपली सगळी यंत्र
नादूरूस्त होइस्तर
सगळे कारखाने बंद होइस्तर
सगळे स्पॅरपार्टस
गंजून खलास होइस्तर ?


शेवटी अर्थतातच
कोणत्याही नदीत सोडल्या
आपल्या अस्थी तरीही
समुद्रात जाऊन 
मिसळणारच कि नाही एकमेकात
आपले पार्थीव ?


पण ह्याचा अर्थ
इतका वेळ आपण पहातच रहायची का
एकमेकांची सत्व परिक्षा ?


केव्हाच संपेल आपल्या मीठीचा आवेश
कमरेतला जोम


अता तरी संपवूया आपण
एकमेकांची परिक्षा


अता तरी जाहीर करूया
आपला निकाल