रिव्हॊलव्हर दारुच्या ग्लासात बुडवा : सचिन केतकर

सर्वात आधी
रिव्हॊलव्हर दारुच्या ग्लासात बुडवा
ह्यानं नशा काही औरच येतो.
रिव्हॊलव्हर बारबालेच्या स्ननावर पुसा
एक हात तिच्या कुल्यावर ठेउन
दुसर्या हातानं घोडा 
स्वतःच्या कपाळावर ठेवायचा
च्यायला आपण कवितेच्याच गेम करयचा 
कॊंन्डॊम चढवतात तसा 
घोड्यावर सायलंसर चढवा
अन थंडपणे एक गॊळी 
शब्दाच्या कण्यात उतरवा
मग पहा भाषेच मुकं जनावार कस तडफ़डतं
मग हे मरतुकडं वासरू
धड मरूही शकणार नाही 
कि धड हंबरडाही फ़ोडू शकणार नाही
जस जसा सुर्य घसरत जाइल
तस तसे शब्दांचे कावळे
गोळा होतील  आपल्या छतावर


(अप्रकाशित)